ມາທຳຄວາມຮູ້ກັບນັກສ້າງຮູບເງົາກ່ຽວກັບສິ່ງແວດລ້ອມ

1. ທ່ານ ອາທິດໄຊ ບວນດາວເຮືອງ, ອຳນວຍການບໍລິສັດ ມາຍມີເດຍ, ຜູ້ກຳກັບຮູບເງົາສັ້ນ. (ຜູ້ລິເລີ່ມໃນການສ້າງຮູບເງົາດ້ານສິ່ງແວດລ້ອມໃນລາວ)

2. Gunjan Menon, Producer-Director and the founder of the impact-first creative production company. (ຜູ້ກໍາກັບຮູບເງົາດ້ານສິ່ງແວດລ້ອມທີ່ໄດ້ຮັບລາງວັນລະດັບໂລກໃນຫລາຍເວທີ)

ເຊິ່ງຮູບເງົາເຫລົ່ານີ້ຈະຖືກນໍາມາສາຍພາຍໃນງານ"ຄ່ຳຄືນແຫ່ງຮູບເງົາສິ່ງແວດລ້ອມ" ລາຍລະອຽດກ່ຽວກັບຜົນງານທີ່ຜ່ານມາຂອງເຂົາເຈົ້າສາມາດອ່ານຕື່ມໄດ້ໃນກ້ອງຮູບພາບ.

__________________________________

Let’s get to know our Environmental film maker.

1. Mr. Athidxay Bouandaoheuang, director of My Media Company, director of short films. (Initiator in making environmental films in Laos)

2. Gunjan Menon, Producer-Director and the founder of the impact-first creative production company. (Environmental film director who won international awards in many platforms)

The movies lined up for the "Environmental Film Night" event will be screened, and details about their previous projects are available in the photo gallery.

 

 

ອາທິດໄຊ ບວນດາວເຮືອງ (ຕັ້ງ) ປັດຈຸບັນແມ່ນອໍານວຍ ການ ບໍລິສັດ ມາຍມີເດຍ ແລະ ເປັນຜູ້ຮ່ວມກໍ່ຕັ້ງ ບໍລິສັດ ລາວນິວເວບຊີເນມ້າ ໂປຼດັກເຊີນ, ເທດສະການຮູບເງົາ ວຽງຈັນນານ ແລະເທດສະການຮູບເງົາສັ້ນລ້ານຊ້າງ.

ນັບແຕ່ປີ 2005 ເລີ່ມຈາກຄວາມສົນໃຈທາງການຜະລິດ ວີດີໂອ ດິ້ງໄດ້ເຂົ້າຮ່ວມການຝຶກອົບຮົມການຜະລິດສື່ເພື່ອ ການພັດທະນາ ດ້ວຍການຈັດຂອງສູນອົບົຮມຮ່ວມ ພັດທະນາ ແລະຫຼັງຈາກນັ້ນກໍ່ໄດ້ຖຶກບັນຈຸເປັນ ພະນັກງານ. ໃນປີ 2008 ໃນເວລາ 1 ປີ ໄດ້ຮັບທືນແລກປ່ຽນ ສໍາລັບຝຶກອົບຮົມ ການຜະລິດສື່ເພື່ອພັດທະນາຊຸມ ຊົນ ຢູ່ທີ່ປະເທດອີນເດຍ. ຫຼັງຈາກຈົບມາກໍ່ໄດ້ຮ່ວມສ້າງຕັ້ງບໍລິສັດ ມາຍມີເດຍເປັນຕົ້ນມາ.

ດ້ວຍຄວາມສົນໃຈໃນວຽກງານສື່ເພື່ອການພັດທະນາ ໂດຍສະເພາະແມ່ນກິດຈະກຳຂອງໄວໜຸ່ມ ດິ້ງໄດ້ ເປີດການຝຶກອົບຮົມຫຼາຍຢ່າງເຊັ່ນ: DOCLAO film Academy, MOJO, ProCEED, ຈົນໄດ້ຜະລິດນັກ ສ້າງສາລະຄະດີ ແລະນັກຜະລິດຮູບເງົາສັ້ນ ຫຼາຍຄົນ. ດ້ວຍຄວາມສົນໃຈສ່ວນໂຕ ຫຼັງຈາກນັ້ນກໍ່ໄດ້ມີໂອກາດຮ່ວມ ສ້າງຕັ້ງບໍລິສັດ ລາວນິວເວບ ຊີເນມ້າ ໃນປີ 2011. ແລະເລີ່ມຫຼົງໄຫຼໃນງານຜະລິດຮູບເງົາຢ່າງໜັກ ແລະໄດ້ເລີ່ມສຶກ ສາລົງເລິກ ຮ່ວມກັບໝູ່ໃນສາຍອາຊີບນີ້.

ນັບແຕ່ນັ້ນມາ ດິ້ງໄດ້ເຮັດນັບຕັ້ງແຕ່ຕຳແໜ່ງຕີສະເລດ, ຜູ້ຊ່ວຍກ້ອງ, ທີມສຽງ, ຜູ້ອຳນວຍການຜະລິດ, ແລະສຸດທ້າຍໄດ້ກາຍມາເປັນ ຜູ້ກຳກັບຮູບເງົາສັ້ນ. ປະຈຸບັນໄດ້ຜະລິດຜົນງານອອກມາຫຼາຍ ເຊັ່ນ: ສາລະຄະດີກ່ຽວ ກັບ ໄວໜຸ່ມລາວ ອອກອາກາດທີ່ສະຖານີໂທລະພາບ Thai PBS, ສາລະຄະດີ ກ່ຽວກັບຊ້າງລາວ ຮ່ວມສາຍໃນ ງານຮູບເງົາທີຄຸນໜຶ່ງ ປະເທດຈີນ. ກຳກັບ ຮູບເງົາສັ້ນ ສະທ້ອນສັງຄົມ ເຮົາ House the series, ຊີວິດບວກ ຮ່ວມ ສາຍຢູ່ ເທດສະການເມືອງແຄນ ປະເທດໄທ.