1.   ຈຸດປະສົງ

^{ການແຂ່ງຂັນອອກແບບກາໝາຍ (ໂລໂກ້) ສໍາລັບ ສະຫຼາກສີຂຽວ ຂອງ ສປປ ລາວ ແມ່ນມີຈຸດປະສົງເພື່ອ:}

• ສ້າງກາໝາຍ (ໂລໂກ້) ເພື່ອໃຊ້ເປັນຕົວແທນໃຫ້ແກ່ການຢັ້ງຢືນ "ສະຫຼາກສີຂຽວ" ຂອງ ສປປ ລາວ ທີ່ສາມາດສື່ຄວາມໝາຍຂອງແນວຄວາມຄິດທີ່ມີຄວາມເປັນມິດກັບສິ່ງແວດລ້ອມ ແລະ ຄວາມຍືນຍົງໄດ້ ພ້ອມທັງເຮັດໜ້າທີ່ເປັນເຄື່ອງມືໃນການສື່ສານວຽກງານ ສະຫຼາກສີຂຽວ ຂອງ ສປປ ລາວ ໃຫ້ມີປະສິດຕິຜົນ.
• ສ້າງກາໝາຍ (ໂລໂກ້) ເພື່ອໃຊ້ຕິດຢູ່ໃນຜະລິດຕະພັນ ແລະ ການບໍລິການທີ່ໄດ້ຮັບການຢັ້ງຢືນສະຫຼາກສີຂຽວ ຂອງ ສປປ ລາວ, ກໍານັດໃຫ້ຜະລິດຕະພັນ ແລະ ການບໍລິການເຫຼົ່ານັ້ນໃຫ້ແຕກຕ່າງຈາກຜະລິດຕະພັນ ແລະ ການບໍລິການອື່ນໆ ແລະ ເຮັດໃຫ້ຜູ້ບໍລິໂພກ ແລະ ທຸລະກິດສາມາດສັງເກດໄດ້ງ່າຍ, ສົ່ງເສີມການປະຕິບັດທີ່ມີຄວາມຮັບຜິດຊອບຕໍ່ສິ່ງແວດລ້ອມ ແລະ ຊຸກຍູ້ໃຫ້ຜູ້ບໍລິໂພກເລືອກຊົມໃຊ້ຜະລິດຕະພັນ ແລະ ການບໍລິການແບບຍືນຍົງ.
• ເພື່ອເຜີຍແຜ່ ແລະ ສ້າງຄວາມຮັບຮູ້ໃຫ້ມະຫາຊົນກ່ຽວກັບຄວາມສໍາຄັນ ຂອງການບໍລິໂພກ ແລະການຜະລິດແບບຍືນຍົງ ແລະ ສະຫຼາກສີຂຽວ ໃນ ສປປ ລາວ.

2.   ແນວຄວາມຄິດຂອງໂລໂກ້

^{ຜູ້ເຂົ້າແຂ່ງຂັນຄວນເອົາແນວຄວາມຄິດເຫລົ່ານີ້ມາພິຈາລະນາໃນເວລາອອກແບບໂລໂກ້:}

• ໂລໄກ້ຕ້ອງສະແດງແນວຄວາມຄິດຂອງຄວາມຍືນຍົງ ແລະ ຄວາມເປັນມິດກັບສິ່ງແວດລ້ອມຂອງພະລິດຕະພັນ ແລະ ການບໍລິການ.
• ໂລໂກ້ຕ້ອງມີອົງປະກອບທີ່ສາມາດສະທ້ອນເຖິງຄວາມເປັນເອກະລັກຂອງ ສປປ ລາວ.
• ໂລໂກ້ຕ້ອງມີຂໍ້ຄວາມລະບຸເປັນພາສາລາວວ່າ “ສະຫຼາກສີຂຽວ” ແລະ ເປັນພາສາອັງກິດ "Lao Green Label".
• ການອອກແບບ ຈະບໍ່ມີການຈຳກັດຂະໜາດ ແລະ ຮູບຊົງຂອງໂລໂກ້, ຜູ້ເຂົ້າແຂ່ງຂັນສາມາດເລືອກຕົວອັກສອນ ແລະ ສີ ໃນການອອກແບບໂລໂກ້ໄດ້ຕາມຄວາມຕ້ອງການໃນການສະແດງຄວາມຄິດສ້າງສັນ ແລະ ນະວັດຕະກຳ ຂອງຜູ້ເຂົ້າແຂ່ງຂັນ
• ໂລໂກ້ ທີ່ສົ່ງເຂົ້າແຂ່ງຂັນ ຕ້ອງເປັນຜົນງານທີ່ອອກແບບຜ່ານຄອມພິວເຕີເທົ່ານັ້ນ
• ໂລໂກ້ ຕ້ອງເປັນການອອກແບບຕົ້ນສະບັບ ໂດຍບໍ່ມີອົງປະກອບໃດທີ່ສຳເນົາມາຈາກໂລໂກ້ ຫຼື ອົງປະກອບອື່ນໆທີ່ມີລິຂະສິດ.

3.   ການສົ່ງຜົນງານເຂົ້າແຂ່ງຂັນ

• ການແຂ່ງຂັນແມ່ນເປີດຮັບຜົນງານໃນວັນທີ 06/03/2024 ແລະ ປິດຮັບສະໝັກຜົນງານໃນວັນທີ 25/03/2024 ເວລາ: 17:00ໂມງ (ຕາມເວລາຂອງ ສປປ ລາວ)
• ຜູ້ເຂົ້າແຂ່ງຂັນຕ້ອງສົ່ງເປັນໄຟລ໌ໂລໂກ້ທີ່ຕົນອອກແບບ ໃນນາມສະກຸນ JPEG ຫຼື PNG (ຂະໜາດ 2" x 2", 300dpi ຫຼື ຫຼາຍກວ່ານັ້ນ), ສະເພາະຜູ້ເຂົ້າແຂ່ງຂັນທີ່ໄດ້ຮັບລາງວັນຊະນະ ຈະຕ້ອງສົ່ງໄຟລ໌ການອອກແບບໃຫ້ແກ່ຄະນະຮັບຜິດຊອບຈັດການແຈ່ງຂັນ.
• ຜູ້ເຂົ້າແຂ່ງຂັນຕ້ອງອະທິບາຍຄວາມໝາຍ ແລະ ແນວຄວາມຄິດ ການອອກແບບໂລໂກ້ຂອງຕົນເອງຄັດຕິດມາພ້ອມໃນເວລາສົ່ງຜົນງານ (ລະຫວ່າງ 100 ຫາ 400 ຄໍາ).
• ຜູ້ເຂົ້າແຂ່ງຂັນຕ້ອງຕື່ມແບບຟອມສະໝັກອອນໄລນ໌ ແລະ ຄັດຕິດຜົນງານອອກແບບໂລໂກ້ ສະບັບດິຈິຕອນຂອງຕົນເອງ ເຂົາພ້ອມກັບຄໍາອະທິບາຍໃນບ່ອນສະໝັກ ກ່ອນວັນທີ 25/03/2024 ເວລາ 17:00 ໂມງ. ຜົນງານທີ່ຖືກສົ່ງເຂົ້າມາຫຼັງເວລາປິດຮັບສະໝັກຈະບໍ່ຖືກພິຈາລະນາ.

4.   ເງື່ອນໄຂຜູ້ເຂົ້າແຂ່ງຂັນ

• ຜູ້ເຂົ້າສະໝັກແຂ່ງຂັນຕ້ອງເປັນຄົນລາວ ຫຼື ຕ່າງປະເທດກໍ່ໄດ້
• ບໍ່ມີການຈຳກັດອາຍຸຜູ້ເຂົ້າແຂ່ງຂັນ
• ຜູ້ເຂົ້າແຂ່ງຂັນສາມາດສົ່ງຜົນງານເຂົ້າແຂ່ງຂັນໃນນາມບຸກຄົນ, ກຸ່ມຄົນ ແລະ ບໍລິສັດໄດ້.
• ຜູ້ເຂົ້າແຂ່ງຂັນສາມາດສົ່ງຜົນງານຂອງໂຕເອງບໍກາຍ 1 ອັນເທົ່ານັ້ນ ສໍາລັບບຸກຄົນ, ກຸ່ມ ແລະ ບໍລິສັດ (ບໍສາມາດສົ່ງຫຼາຍກວ່າ 1 ຜົນງານ).

5.   ເງື່ອນໄຂການຄັດເລືອກ

ຜົນງານທີ່ຖືກສົ່ງເຂົ້າແຂ່ງຂັນຈະຖືກປະເມີນໂດຍອີງໃສ່ເງື່ອນໄຂດັ່ງຕໍ່ໄປນີ້: