ວັນຄຸ້ມຄອງໂລກ ຫຼື “Earth Day,” ເຊິ່ງກົງກັບວັນທີ 22 ເມສາ ຂອງທຸກໆປີ ໄດ້ເປັນຈຸດເລີ່ມຕົ້ນຂອງການ ເຄື່ອນໄຫວທາງດ້ານສິ່ງແວດລ້ອມສະໄໝໃໝ່ທີ່ໄດ້ມີການປຸກລະດົມ, ສະແດງໃຫ້ເຫັນເຖິງຄວາມສຳຄັນ ແລະ ການສ້າງຄວາມຕະໜັກຮູ້ໃຫ້ກັບຊຸມຊົນກ່ຽວກັບບັນຫາດ້ານສິ່ງແວດລ້ອມ ໃນລະດັບປະເທດ ແລະ ຕໍ່ມາຈຶ່ງໄດ້ມີການພັດທະນາ ແລະ ແຜ່ຂະຫຍາຍເປັນການເຄື່ອນໄຫວລະດັບໂລກເຊິ່ງໃນປະຈຸບັນ ມີຜູ້ເຂົ້າຮ່ວມຫຼາຍລ້ານຄົນຈາກ 190 ປະເທດໃນທຸກປີ.

ການລິເລີ່ມວັນຄຸ້ມຄອງໂລກໄດ້ກຳເນີດຂຶ້ນເມື່ອປີ 1970 ທີ່ສະຫະລັດອາເມຣິກາ ໂດຍມີ ຈຸດ​ປະ​ສົງ​ເພື່ອສ້າງຄວາມ​ຕະໜັກ​ຮູ້​ກ່ຽວ​ກັບ​ບັນ​ຫາ​ສິ່ງ​ແວດ​ລ້ອມທີ່ຮີບດ່ວນ​ ແລະ ເປັນການສ້າງແຮງບັນດານໃຈທີ່ຊຸກຍູ້​ໃຫ້​ປະຊາຊົນ, ອົງການ​ຈັດ​ຕັ້ງຕ່າງໆ ຫັນມາ​​ຮັບຜິດຊອບ ໃນການອະນຸລັກ, ປົກປ້ອງ ​ແລະ ຟື້ນ​ຟູ​ສິ່ງ​ແວດ​ລ້ອມ​ທີ່​ພວກ​ເຮົາ​ອາໄສຢູ່ຫຼາຍຂຶ້ນ ເພື່ອຮັບປະກັນການນຳໃຊ້ທີ່ຍືນຍົງ ແລະ ຫຼຸດຜ່ອນຄວາມສ່ຽງດ້ານສິ່ງແວດລ້ອມໃນອະນາຄົດ.

ສິ່ງແວດລ້ອມໄດ້ຜະເຊີນໄພຂົ່ມຂູ່ຈາກການປ່ຽນແປງຂອງດິນຟ້າອາກາດ, ການທຳລາຍປ່າໄມ້, ມົນລະພິດທາງອາກາດ ແລະ ນ້ຳ, ການຫຼຸດລົງທາງຊີວະນາໆພັນ ແລະ ການນຳໃຊ້ຊັບພະຍາກອນທີ່ບໍ່ຍືນຍົງ ເຊິ່ງບັນຫາເຫຼົ່ານີ້ຕ້ອງໄດ້ຮັບການແກ້ໄຂຢ່າງຮີບດ່ວນ. ວັນຄຸ້ມຄອງໂລກບໍ່ພຽງແຕ່ເປັນການ ສົ່ງເສີມຄວາມເຂົ້າໃຈຕໍ່ກັບສິ່ງແວດລ້ອມອ້ອມຂ້າງ, ແຕ່ຍັງເປັນການຊຸກຍູ້ໃຫ້ເກີດການ ລິເລີ່ມທີ່ເປັນຮູບປະທຳເຊັ່ນ: ການປູກຕົ້ນໄມ້ ແລະ ການຈັດການສິ່ງເສດເຫຼືອ, ການສະໜັບສະໜູນນະໂຍບາຍ ແລະ ນະວັດຕະກຳເຕັກໂນໂລຊີທີ່ສະອາດ ແລະ ມີບົດບາດສຳຄັນໃນການຂັບເຄື່ອນການສຶກສາທາງດ້ານສິ່ງແວດລ້ອມ, ການສົ່ງເສີມວິຖີຊີວິດສີຂຽວ ແລະ ການມີອິດທິພົນຕໍ່ນະໂຍບາຍລະດັບໂລກ.

ສຳລັບວັນຄຸ້ມຄອງໂລກ ປີ 2025 ນີ້, ໄດ້ສະເຫຼີມສະຫຼອງພາຍໃຕ້ຫົວຂໍ້: ການຮ່ວມພະລັງຂອງພວກເຮົາ, ໂລກຂອງພວກເຮົາ ຫຼື “Our Power, Our Planet” ເຊິ່ງມີຈຸດປະສົງໃນການປຸກລະດົມ ໃຫ້ຄົນທົ່ວໂລກຮ່ວມມືກັນໃນການນຳໃຊ້ພະລັງງານໝູນວຽນ ແລະ ເພີ່ມການຜະລິດໄຟຟ້າທີ່ສະອາດທົ່ວໂລກເປັນ 3 ເທົ່າ ພາຍໃນປີ 2030.

ນອກຈາກນີ້, ຍັງມີອີກຫຼາຍຮູບແບບກິດຈະກຳ ບໍ່ວ່າຈະເປັນການຊຸມນຸມປາໄສ, ການຮ່ວມໃຈກັນປິດໄຟ, ການປູກຕົ້ນໄມ້, ການເກັບຂີ້ເຫຍື້ອເປັນຕົ້ນ.

ພວກເຮົາ Econox Laos ຢາກຂໍເຊີນຊວນການຮ່ວມມື ແລະ ການມີສ່ວນຮ່ວມຂອງທ່ານ ເປັນສິ່ງສຳຄັນໃນການສ້າງຜົນກະທົບທາງບວກທີ່ມີຄວາມຫມາຍ. ບໍ່ວ່າຈະເປັນການເຂົ້າຮ່ວມກິດຈະກໍາໃນທ້ອງຖິ່ນ, ສະຫນັບສະຫນູນການລິເລີ່ມດ້ານສິ່ງແວດລ້ອມ, ທຸກໆຄວາມພະຍາຍາມມີຄວາມສຳຄັນ ມາຮ່ວມກັນເພື່ອສ້າງຄວາມແຕກຕ່າງສໍາລັບໂລກຂອງພວກເຮົາ ແລະ ເພື່ອຄົນລຸ້ນຕໍ່ໄປ.

#Econoxlaos #EarthDay2025 #sustainability #OurPowerOurPlanet