ໃນວັນທີ 13 ສິງຫາ ທີ່ຜ່ານມາ ທີມງານໂຄງການ ຕ້ານການຄ້າ-ຂາຍສັດປ່າແບບຜິດກົດໝາຍ ໄລຍະທີ 3​ຮ່ວມກັບຜູ້ຈັດຕັ້ງປະຕິບັດໂຄງການ, Econoxlaos EEALaos ສ້າງຈິດສຳນຶກດ້ານສິ່ງແວດລ້ອມ , ໄດ້ຈັດງານປະຖົມນິເທດຂຶ້ນ ເພື່ອເປັນການພົບປະກັນຮອບທຳອິດຂອງບັນດາໄວໜຸ່ມທຸກຄົນ ແລະ ທີມການໂຄງການ .

ເຊິ່ງໃນງານຄັ້ງນີ້ ບັນດາຜູ້ເຂົ້າຮ່ວມກໍໄດ້ເຕັມໄປດ້ວຍຄວາມກະຕືລືລົ້ນ ທີ່ຈະໄດ້ແລກປ່ຽນຄວາມຮູ້ ແລະ ໂອ້ລົມກັນເພື່ອເປັນການຮັດແໜ້ນສາຍພົວພັນລະຫວ່ງໄວໜຸ່ມຮຸ່ນທີ 1​ ແລະ ຮຸ່ນທີ 2 ເພື່ອໃຫ້ການຈັດຕັ້ງປະຕິບັດໂຄງການເປັນໄປດ້ວຍຄວາມລາບລື່ນ ແລະ ປະສົບຜົນສຳເລັດໄປໄດ້ດ້ວຍດີ.

ສຸດທ້າຍນີ້, ຂໍຂອບໃຈ Association Anoulak ທີ່ໃຫ້ການສະໜັບສະໜູບປຶ້ມທີ່ອັດແໜ້ນໄປດ້ວຍຄວາມຮູ້ ເຊັ່ນ: ຄວາມມະຫັດສະຈັນແຫ່ງສາຍພູຫຼວງ ແລະ ລິ່ນເປັນຕະກຸນສັດມີເກັດ ໃຫ້ກັບນ້ອງໆຜູ້ເຂົ້າຮ່ວມໂຄງການຂອງພວກເຮົາ.