ຊີວະນານາພັນ ແມ່ນຄວາມຫຼາກຫຼາຍຂອງສິ່ງທີ່ມີຊີວິດ ຕັ້ງແຕ່ສັດລ້ຽງຈົນເຖິງຈຸລິນຊີເຊັ່ນ: ເຊື້ອແບັກທີເຣຍທີ່ສ້າງ ລະບົບນິເວດທາງທໍາມະຊາດ. ສິ່ງທີ່ມີຊີວິດທີ່ຫຼາກຫຼາຍເຫຼົ່ານີ້ລ້ວນແຕ່ເຮັດວຽກຮ່ວມກັນໃນການສ້າງລະບົບນິເວດ ເພື່ອຮັກສາຄວາມສົມດຸນຂອງທຳມະຊາດ ແລະ ສະໜອງຄວາມຈຳເປັນໃຫ້ກັບຊີວິດຂອງມະນຸດ ໃນການເຂົ້າເຖິງ ແຫຼ່ງອາຫານ, ນ້ຳສະອາດ, ຢາປົວພະຍາດ ແລະ ທີ່ພັກອາໄສ.

ນັບຕັ້ງແຕ່ຊ່ວງປີ 1970 ເປັນຕົ້ນມາ, ຊີວະນານາພັນໄດ້ມີການປ່ຽນແປງຕາມການຜັນປ່ຽນຂອງໄລຍະເວລາ ແລະ ສະພາບແວດລ້ອມ ໂດຍບົດລາຍງານຈາກອົງການກອງທຶນອະນຸລັກທຳມະຊາດໂລກ (WWF) ໃນເມື່ອປີ 2024 ໄດ້ມີການສັງລວມປະເດັນສຳຄັນເຊິ່ງປະກອບມີ:

- ປະຊາກອນສັດນໍ້າ, ສັດປ່າທີ່ສຳຫຼວດຕັ້ງແຕ່ປີ 1970-2020 ມີອັດຕາຫຼຸດລົງເຖິງ 73 ສ່ວນຮ້ອຍ;

- ສ່ວນຫຼາຍອັດຕາການຫຼຸດລົງຂອງປະຊາກອນສັດປ່າພົບເຫັນທີ່ ອາເມຣິກາໃຕ້ 95 ສ່ວນຮ້ອຍ, ອາຟຣິກາ 76 ສ່ວນຮ້ອຍ, ແລະ ອາຊີ-ປາຊີຟິກ 60 ສ່ວນຮ້ອຍ;

- ປະຊາກອນທີ່ຫຼຸດລົງໃນນິເວດນໍ້າຈືດມີສູງເຖິງ 85 ສ່ວນຮ້ອຍ, ທາງບົກ 69 ສ່ວນຮ້ອຍ ແລະ ທາງທະເລ 56 ສ່ວນຮ້ອຍ;

- ການສູນເສຍຖິ່ນທີ່ຢູ່ອາໄສ, ການທຳລາຍ ແລະ ຊຸດໂຊມຂອງທຳມະຊາດ ທີ່ມາຈາກການນຳໃຊ້ເພື່ອສະໜອງອາຫານ ແມ່ນປັດໄຈເລັ່ງສຳຄັນໃຫ້ເກີດມີການສູນເສຍດ້ານຊີວະນານາພັນ, ຕາມຕິດມາດ້ວຍການຮຸກຮານຈາກຊະນິດພັນອື່ນ ແລະ ພະຍາດຕ່າງໆ.

ເພື່ອເປັນການຕະໜັກຮູ້ເຖິງຄວາມສຳຄັນຕໍ່ການປົກປັກຮັກສາຊີວະນານາພັນ, ວັນທີ 22 ເດືອນພຶດສະພາ ຂອງທຸກໆປີ ຈຶ່ງໄດ້ຖືກກຳນົດຂຶ້ນ ເປັນວັນຊີວະນານາພັນສາກົນ ເພື່ອເນັ້ນຢໍ້າເຖິງບົດບາດສຳຄັນຂອງພືດ, ສັດ ແລະ ລະບົບນິເວດ ໂດຍໃນປີນີ້ແມ່ນ ການຢູ່ຮ່ວມກັນກັບທຳມະຊາດຢ່າງກົມກຽວ ແລະ ການພັດທະນາແບບຍືນຍົງ ຫຼື “Harmony with nature and sustainable development”, ເຊິ່ງເປັນການສົ່ງເສີມໃຫ້ຊຸມຊົນເຂົ້າມາ ມີສ່ວນຮ່ວມໃນການປົກປັກຮັກສາທຳມະຊາດ ແລະ ເປັນການເຕືອນໃຈວ່າການອະນຸລັກຊີວະນານາພັນ ແມ່ນມີບົດບາດ ສຳຄັນຕໍ່ທັງສິ່ງແວດລ້ອມ ແລະ ຄົນຮຸ່ນຕໍ່ໄປ.

#InternationalDayforBiologicalDiversity #Sustainability #EconoxLaos #Biodiversity2025